LAOAG CITY – Naglikudan ti Filipino singer ken Journey lead vocalist a ni Arnel Pineda ti agwarwaras a damag a pinatawan isuna ti dusa a pannakaibalud iti tungpal biag ti maysa a korte idiay San Francisco, California gapu iti maipagarup a panangabuso.
Daytoy a fake news ket nai-upload iti YouTube.
Sinungbatan ni Arnel ti maysa nga Instagram follower daytoy a nagsaludsod iti daytoy.
Nalawag met a makita iti Instagram post ni Arnel nga adda isuna idiay Metro Manila.
Nangiburay ti singer ti bidyu no sadinno a makita nga isuna idiay Metro Manila skyline.
