LAOAG CITY – Pormalen nga inawat ti senado ti articles of impeachment kontra ken ni Vice President Sara Duterte seknan iti kaso na a betrayal of public trust kalpasan nga inaprubaran ti kamara de representantes.
Mismo a ni House Secretary General Reginald Velasco ti napan nangiyawat iti opisina ni Atty. Reynaldo Bantug, sekretaryo ti Senado ti articles of impeachment kontra ken ni Duterte.
Immuna iti daytoy, umabot iti 215 a miyembro ti Kamara de representantes ti nagpirma iti impeachment complaint, nasursurok ngem ti kasapulan a pirma a 2/3 dagiti kongresista.
Maikatlon ni Duterte a napilaan ti impeachment complaint iti amin nga impeachable officers ti pagilian.
Immuna ni dati a Presidente Joseph Estrada kalpasan a pimmutok ti Jose Velarde account a naglaon ti minilyon a pondo ken maikadwa ni pimmusayen a Chief Justice Renato Corona gapu iti betrayal of public trust.
Kabayatanna, nag-adjourn ti senado iti plenary sessions agingga intono Hunyo 2 ita a tawen gapu iti election season ken saanda pulos a nadakdakamat ti maipapan iti impeachment complaint kontra kenni Vice President Duterte.
