LAOAG CITY – Immapela ti tulong ti asawa ti pimmusay a babai iti Laoag City General Hospital gapo iti dakkel a bayadan da iti nasao nga ospital.
Naamoan a ti pimmusay a babai ket dimmalan ti operasyon gapo ti sakit na nga aneurism.
Segun ti asawa na a ni Marwin Antonio, nasurok 400 a ribo a pisos iti bayadan na iti nasao nga ospital.
Gapo ti daytoy, dimmawat ti tulong iti lokal a gobierno kangrunaan na kadagiti kameng ti Sanguniang Panlalawigan gapo ta saan na a kabaelan a bayadan ti nasao a gatad.
Mainaig ti daytoy, naikkan ti diskwento iti Doctor’s Fee nga agarop 15 a ribo a pisos, ngem adda pay nabati nga agarop 422 a ribo a pisos a mabayadan.
Kabayatana, personal pay a nangipaaay ti tulong dagiti opisial ti probinsia tapno maksayan pay ti nasao a gatad a mabayadan iti ospital.
Iti agdama, nakikoordinar dagiti opisial ti lokal a gobierno iti nasao nga ospital tapno mangipaay ti tulong iti pamilya Antonio.
