LAOAG CITY – Nagun-od ni Chrisia Mae Tajarros manipud iti Region 8 wenno Eastern Visayas ti ti umuna a gold medal iti Palarong Pambansa 2025 iti secondary girls’ 3,000m run.
Segun ken ni Chrisia Mae, iti baet ti kinarigat ken kinabannog a napasaranna kabayatan ti panagsanayna ket nasuktan daytoy ti panagballigi.
Inbatadna a nangrugi ti panagsanayna iti athletics idi adda pay laeng isuna iti Grade 6.
Inlawlawagna a ti orihinal nga sport-na ket swimming naiyakar iti athletics.
Nagyaman ni Chrisia iti Dios iti baro a balligina ken inadmitirna a narigatan daytoy iti training ngem inaramidna ti amin a kabaelanna tapno magun-od ti ar-arapaapenna a medalya.
Naammoan a ni Tajarros ket Grade 9 student iti Tanauan National High School idiay Leyte no sadinno a nakagun-od daytoy ti silver medal idiay siudad ti Cebu iti napalabas a tawen.
Kabayatanna, kuna ti Coach ni Chrisia a ni Mr. Damaso Olidan Jr., mangrugrugi ti training-da manipud iti alas-7 ti bigat agingga iti alas-12 ti tengnga’t rabii.
