LAOAG CITY – Gagem ni Volt Bohol, ti Presidente ti August Twenty-One Movement (ATOM) nga ag-resign ni Senador Alan Peter Cayetano kas agpanpanday linteg gapu iti maipagarup a nakababain nga imahe daytoy iti sabali a pagilian.
Binabalaw ni Bohol ti kampo ni Cayetano iti maipagarup a panagusar iti nagan ti pimmusay a ni Senador Ninoy Aquino ken iti “Yellow movement.”
Kunana a maysa nga istratehia laeng ti kampo ti Senador ti panagusar iti “Laban sign” ken iti pakasaritaan iti panaglaban iti diktadura ti natataengan a Marcos.
Inbatadna nga ar-aramiden daytoy ni Cayetano tapno agbalin a “romantiko” wenno napintas a kitaen iti publiko ti agdama daytoy a panagkontra iti administrasion ni Presidente Ferdinand Marcos Jr.
Inpetteng ti grupoa ni Aquino a maysa a lider ti oposision nga inbalud ti maysa a pagbaludan ti militar idi panawen ti diktadura ket limmaban iti pasismo, korapsion ken kinakurang ti panagsungbat.
Innayonna a ni Cayetano ken dagiti Senador a mangsupsuporta kenkuana ket maikonkonektar iti Duterte no sadinno a nangipeksa ti suporta ni Davao City Mayor Sebastian Duterte ken dagiti kaalyado daytoy iti kalikagum ni Cayetano nga agbalin a Presidente ti Senado.
