LAOAG CITY – Namnamaen ni Manila Representative Bienvenido “Benny” Abante Jr. ti insigida a panagsubli iti pagilian dagiti agkabsat a Senador Alan Peter Cayetano ken Senador Pia Cayetano.
Segun ken ni Abante a napateg nga ituloy ti panagatendar iti impeachment trial ti agkabsat a Cayetano ken makipaset iti panagbotos iti panangipaay ti verdict ken ni Vice President Sara Duterte.
Dinakamatna nga adda punto ti saludsod ni Senator-Judge Erwin Tulfo no ana ti umno a bilang ti threshold wenno bilang ti botos a kasapulan iti panangipaay ti verdict iti impeachment case ti Bise Presidente.
Daytoy ket adda pakainaiganna iti umad-adu a bilang dagiti senador a saan a nakaatendar iti panangusig gapu iti nagduduma a rason ken posible saan a makipaset iti panagbotos.
Pakairamanan dagitoy ket da Sen. Rodante Marcoleta ken Sen. Jinggoy Estrada nga agpada a nakaibalud, Sen. Ronald Bato Dela Rosa nga agdama nga aglimlimmeng kabayatan nga adda iti sabali a pagilian ni Sen. Loren Legarda.
