LAOAG CITY – Inrakurak ni Atty. Salvador Panelo, dati a chief presidential legal counsel ni dati a Presidente Rodrigo Duterte a saanna nga iwalin ti posibilidad ng ipapatay ti nakabalud a dati a presiente no agsubli ditoy pagilian.
Inrakurak na a mamati a mabalin a mapasamak daytoy kangrunaan na ket adda dagiti maipagarop a kalaban ti dati a presidente a mayat a mapukaw isuna.
Inyarig pay ni Atty. Salvador ti sitwasyon a sangwen ti pagayam na a dati a presidente iti pinasar ti pimmusay a dati a Senador Benigno Ninoy Aquino Jr. idi nagsubli ditoy Pilipinas.
Nupay kasta, iti baet daytoy, iti kaaldaw ti dati a Presidente idi kalman, ti birthday wish ni Panelo ket malaksid iti napintas a salun-at ket kiddaw na a naan-anayen a makasubli ni Duterte iti Pilipinas.
Mainaig iti daytoy, inrakurak pay ni Atty. Salvador Panelo a plano na ti agturong idiay The Hague, Netherlands.
Innayon na a nupay awan ti kasiguradwan no makastrek iti detention facility, umdasen a maiparikna na iti dati a presidente ti presensya na iti lugar.
