LAOAG CITY – Inrakurak ni Mayor James Bryan Alcid nga awan ti agbalbalin a problema iti maysa a tawen a pannakitrabahona kadagiti department heads iti lokal a gobierno ditoy siudad ti Laoag.
Inbatadna a kabaelanna ti makitrabaho iti asinoman basta laketdi pudno ti ipakpakita dagitoy.
Inlawlawagna a saan a gapu ta lider ket isuna ti kanayon nga agtrabaho no diket rumbeng iti panagtitinnunos iti tunggal maysa.
Kunana a ti panagtrabaho ket kasapulan ti panagkaykaysa tapno maipadanon nga alisto dagiti serbisio kadagiti umili.
Mainaig iti daytoy, inpakaammo ni Mayor Alcid nga awan ti aniaman a problemana kadagiti departamento gapu ta makitana a naiget ti panagtrabaho dagitoy.
Innayonna a nalaka laeng ti makitrabaho iti amin basta laketdi dagitoy ket maibilang nga honest, loyal ken transparent.
