LAOAG CITY – Inlawlawag ni dati a diputado Atty. Neri Colmenares a maiserbi ti sight in contempt kadagiti testigo nga agkedked nga agsungbat wenno mangited ti palawag na kadagiti committee members.
Nupay kasta, kuna ni Colmenares a no ipetteng ti maseknan a saanna a kayat a sungbatan ti saludsud kenkuana gapu ta adda ti karbengan na nga agulimek ket saan a mabalin a ma-sight in contempt.
Palawag daytoy ni Colmenares seknan ti pannakai-sight in contempt dagiti department heads iti gobierno probinsyal ken sumagmamano nga staff da.
Napasamak daytoy bayat iti imbestigasyon iti Committee on Good Government and Accountability seknan ti maibagbaga a misuse of funds ditoy Ilocos Norte.
Kuna pay ni Colmenares a masapol nga adda iti iparuk-at ti komite nga order of detention tapno ma-hold dagiti maseknan.
Innayon na nga agdepende iti sitwasyon no kasanu ti kabayag a ma-hold dagitoy.
Inbatad pay ni Atty. Colmenares nga awan ti ma-sight in contempt a testigo gapu ti maipagarop a saanna a panagibaga ti pudno.
Inpetteng na a no saan a pudno iti isungsungbat ti maseknan ket kasoan da ti perjury.
