LAOAG CITY – Nalidem ti pannagna ti plano a mangipila iti impeachment complaint kontra ken ni Presidente Ferdinand Marcos Jr.
Kuna ni House Deputy Speaker Ronaldo Puno nga awan ti pagibasaran ti pannakai-impeach ti Presidente, nangruna ta nasayaat ti lideratona.
Sungbat daytoy ni Puno iti report a plano ni Cavite Rep. Kiko Barzaga ti mangipila iti impeachment complaint kontra iti Chief Executive.
Agdudua met ni Puno no adda ti mangsuporta iti tignay ni Barzaga.
Nupay kasta, inpaganetget ni Puno a nawaya ni Barzaga a mangipila ti impeachment complaint.
Inbatad na nga awan ti makitana a nainkalintegan a reklamo kontra iti Presidente tapno mai-impeach.
Innayon ni Puno a ti Presidente ket makumikom kadagiti napateg nga isyu iti pagilian.
