LAOAG CITY – Kinumpirmaran ni Mrs. Janeth Baltobera, 35 a tawenen nga aglaklako iti basement iti tiendaan ditoy ciudad ti Laoag nga awanen ti maangkat da a bagas ti kamotig ditoy probinsya.
Inlawlawag na a dagiti ilaklako da ket aggapo amin iti ciudad ti Urdaneta iti probinsya ti Pangasinan.
Kuna na a saan a maliklikan nga adda ti panagngato ti presyo ti nasao a produkto kangrunaan na ket nakisang ti suplay.
Inpakaammo na pay nga awan ti napasangpet da a violet a kamotig no di ket puro amin puraw.
Innayon na a ti panagawat da ti kamotig ket 50 a pisos iti kada kilo isut gapuna nga ilako da met iti 60 agingga iti 70 a pisos ti kada kilo.
Segun pay ken ni Baltobera, no iti kallabes ket sinako a kamotig ti mapasangpet da a suplay, kadagitoy a gundaway ket manmano laengen.
