LAOAG CITY – Nagballigi dagiti kameng ti Provincial Special Enforcement Team iti Ilocos Norte Police Provincial Office (INPPO) a nangtiliw iti maysa a babai a wanted person ditoy probinsya.
Ti akusado nga agtawen ti 40, naasawaan ken residente iti Brgy. 32, Corocor iti ili ti Bacarra ket maibilang kas Top 7 Most wanted person ditoy Ilocos Norte.
Inbatad ni Police Capt. Tolentino Erum Jr., mangidadaulo iti Provincial Special Enforcement Team, natiliw ti akusado babaen ti bileg ti Alias Warrant of Arrest nga inparuk-at ni Hon. Judge Charles Aguilar iti Regional Trial Court, Branch 12 ditoy ciudad ti Laoag a napetsaan ti Setyembre 23, 2005 ken Setyembre 28, gapu iti tallo a counts ti aso a qualified theft.
Awan ti nairekomendar a pagpiyansa ti akusado para kadagiti kaso na.
Segun iti imbestigasyon, namonganay ti kaso ti akusado kalpasan a maipagarop nga intaray da ti napastrek a kwarta ti nagtrabahoan na a pawnshop no sadinno a kalpasan ti insidente ket napan nagpaing iti probinsya ti Cagayan.
Iti agdama, nagtalinaed ti akusado iti kustodyar ti Philippine National Police iti ili ti Bacarra.
