LAOAG CITY – Balligi a naarestar ti maysa a babai a negosiante a maibilang a wanted person.
Natiliw ti suspek babaen iti nagtipon a puersa ti Criminal Investigation and Detection Group Ilocos Norte PFU ken Narvacan Municipal Police Station.
Nabigbig ti suspek a ni Irma Cipria y Bobiles, agtawen iti 53, naasawaan ken residente ti Brgy. Sulvec, Narvacan, Ilocos Sur.
Naan-anay a naarestar ti suspek babaen iti bileg ti Warrant of Arrest gapu iti Estafa nga addaan ti Criminal Case No. 20359 nga inparuk-at ni Hon. Nida Bringas Alejandro, Presiding Judge, RTC, FJR, Branch 12, Laoag City, Ilocos Norte.
Nairekomendar ti 20 a ribu a pisos a piyansa ti suspek para iti temporario a pannakawayawayana.
Iti agdama, ti suspek ket adda iti Criminal Investigation and Detection Group Ilocos Norte PFU para iti naan-anay a dokumentasion sakbay a maisubli iti korte a naggapoananna.
