LAOAG CITY – Binigbig ti Guinness World Records ti maysa a babai idiay India gapu iti 8 feet ken 10 inches a kaatiddog ti buokna.
Ti babai ket ni Renu Dhariyal, maysa a content creator nga agararamid kadagiti video maipanggep iti beauty ken hair care iti YouTube no sadinno ket isuna ti baro a makiniggem ti pammigbig a “longest hair on a living person (female)”.
Idi tawen 2015 idi insardeng ni Dhariyal ti panagpapukisna iti buokna a segun kenkuana, naallukoy daytoy a paatiddogen ti buokna gaputa paset daytoy iti kulturada.
Inbatadna nga idiay India ket ti attidog a buok ket mangibagbagi ti kinapintas ti maysa a tao kadakuada.
