LAOAG CITY – Dead on the spot ti maysa a babai idinto a nasugatan ti anak na a lalaki kalpasan a napaltugan da iti Brgy. Oaig-Upay iti ili ti Paoay.
Daytoy ti kinumpirmaran ni Police Capt. Eddie Suyat, ti chief of police iti ili ti Paoay.
Binigbig ni Suyat ti natay a biktima a Ester Baclig idinto a ti nasugatan nga anak na ket ni Roque Baclig, agpada a residente iti nadakamat a barangay.
Inbatad na nga iti inisyal nga imbestigasyon da, rumrumuar a simrek ti pabo ti kangrunaan a suspek a ni Candelario Lagundino iti solar dagiti biktima.
Gapu iti daytoy, maipagarop a minalmalo dagiti biktima ti pabo a maipagarop nga isu ti nangrugyan ti napasamak a krimen.
Inbaga ni Suyat a natamaan ti tama ti paltog ti pispis ken ti akin-kannawan a saka ti ub-ubing a Baclig idinto a nagsagaba met ti maysa a tama ti paltog iti ulo ti ina a Baclig.
Malaksid ken ni Lagundino, adda pay ti persons of interest ti PNP iti krimen a dagitoy ket isuda Marvin Lagundino ken ni Pacito Perdido gapu ta adda da a mismo iti lugar idi napasamak ti krimen.
Nupay kasta, saan pay a maibaga ni Suyat no ania ti nagbalin a partisipasyon da Marvin ken Perdido iti napasamak a krimen gapu ta manarimaan pay laeng ti imbestigasyon da.
Inpakaammo pay ni Suyat a siguden nga adda ti saan a panagkikinnaawatan dagiti maseknan no sadinno a dagitoy ket nasinged da met laeng nga agkakabagyan gapu iti panaggiinnilem ti panagbiag ti pamilya da.
Innayon na a nakarekobre ti SOCO Team ti siyam nga empty shell ti kalibre 45 a paltog iti nakapasamakan ti pammaltog.
