LAOAG CITY – Lalaki ti first baby ti agasawa nga isuda Kai Sotto ken Rere Madrid.
Naragsak nga inburay ti basketbolista ti video ti insayangkatda a gender reveal party nga inatendaran dagiti pamilia ken dagiti pagayamda.
Iti nasao a video ket mabuya a nagpabettak ti blue smoke iti stage ken kagiddan ti announcement nga “It’s a boy!”
Iti caption ni Kai ket inpeksana ti napalaos a kinaragsak ken magagaran iti isasangbay ti baby-da.
Mainaig iti daytoy, naragsak dagiti fans ken nagkomentoda a mabalin a future NBA player ti inauna da Kai ken Rere.
Kabayatanna, magagaran ti kabsat ni Rere a ni Ruru Madrid nga agbalin a tito daytoy.
