LAOAG CITY – Manamnama ti panagsubli ni Kai Sotto iti Gilas Pilipinas para iti FIBA World Cup qualifiers.
Kalpasan ti dua a tawen a panaginana ni Sotto manipud iti national team, ket inanunsio ti 7-foot-3 center ti panagsublina iti Philippines’ men’s basketball squad.
Ti nasao a pananganunsio ni Sotto ket babaen iti Instagraam post-na no sadinno ket kinumpirmaran pay ni Gilas head coach Tim Cone ti panagsubli iti court ti Filipino big man.
Maipalagip ti panaginana ni Sotto iti international court kalpasan iti naudi a panagay-ayamna idi Nobiembre 2024 no sadinno ket maysa isuna kadagiti nangited ti nagsaruno a victory iti FIBA Asia Cup Qualifier.
Kalpasan iti FIBA Asia Cup Qualifier, nagsagaba ni Sotto ti CL injury idi Enero 2025 a ditoyen a naudi a nabuya ni Sotto a nagay-ayam para iti national team.
Gapu iti panagsubli ni Sotto iti Gilas, mamati ti national team a ti panagsublina ket dakkel ti agbalin a kontribusionna para iti kanayunan a tayag ken reliable presence gapu iti experience-na.
Kabayatanna, umuna a makalaban ti Gilas ti pagilian a world No. 41 a Jordan inton Agosto 28, ken idinto nga inton Agosto 30 met ti panagsangoda kontra iti Iran a manarimaan nga adda iti No. 26 world ranking.
