LAOAG CITY – Naiyestablisar ti Bacarra resort babaen ti Liga dagiti Barangay iti nasao nga ili iti paset ti Bislak River.
Daytoy ti kinumpirmaran ni ABC President George Padre iti nasao nga ili.
Kuna na a nasayaat iti pannakamaniher dagiti cottage a naaramid iti igid ti karayan.
Segun kenni Padre, adda dagiti barangay tanod nga agbantay kadagiti cottage ken tattao tapno mapagtalinaed ti kinatalna iti nasao a lugar.
Inbunannag na a dimmalan iti training dagiti maseknan iti makunkuna a WASA.
Inbatad ni Padre nga agronronda met dagiti pannakabagi ti linteg, coast guard ken dagiti kameng ti Bureau of Fire Protection.
Kiniddaw na kadagiti nagannak a bantayan a naimbag dagiti annak da nga agdigos iti karayan tapno maliklikan ti insidente a pannakalmes.
