LAOAG CITY – Natay ti maysa a bagger ti groserya kalpasan a napalto-paltogan iti Brgy. Camanggaan ditoy siudad ti Laoag.
Nabigbig ti biktima a ni Allan Agnes, agtawen ti 29, bagger ti maysa a grocery ken residente ti Brgy 23 Sarrat, Ilocos Norte.
Basar ti inisyal nga imbestigasyon ti PNP Laoag, agpadaya a direksyon ti biktima a nakalugan ti motorisiklo idi ta kellaat a dimteng ti saan a nabigbig a suspek a nakalugan met ti motorsiklo.
Kelaat a pinaputokan ti suspek iti biktima rason a natumba ken natamaan ti dua a bala ti paltog iti akin kannigid a paset ti bukot na.
Dagus a naitaray ti biktima iti ospital ngem naideklara a dead on arrival.
Agtultuloy ti imbestigasyon ti PNP Laoag kapasan ti pammaltog.
