LAOAG CITY – Bailligi iti pannakaiwayat iti Bagong Simula” Financial Management and Entrepreneurship Seminar ditoy ciudad ti Laoag.
Segun ken ni Ms. Shey Pia Abaya, ti mangidadaulo iti Public Employment Service Office (PESO) ditoy ciudad ti Laoag, ti nasao nga aktibidad ket inisyatibo ti City Government babaen ti Public Employment Service Office ken Migrant Desk Office.
Kunana a ti kangrunaan a gagem ti seminar ket ti pannakaisuro ti panag-negosyo ken panangimaton ti pinansial kadagiti dati nga Overseas Filipino Workers a pinili dan ti agtalinaed ditoy ciudad.
Mainaig iti daytoy, iti panagbitla ni Mayor James Bryan Alcid, kunana a masapul ti panagplano a nalaing, saan a mabutbuteng a mangipadas, positibo a panunot ken masapul ti naan-anay a panaganus.
Kabayatanna inpasiguro ti City Government ti agtultuloy a suporta a maipaay kadagiti Overseas Filipino Workers ditoy ciudad ti Laoag.
