LAOAG CITY – Nagtalinaed pay laeng iti Laoag City General Hospital (LCGH) ti baket a natennag iti agdan iti Laoag City Public Market and Commercial Complex kalpasan a nagsagaba ti sugat iti ulo.
Segun kenni Market Master July Anne Quiroga, nargereg ti baket manipud iti Vegetable Section iti maikapat a kadsaaran agingga iti Meat and Chicken Section iti maikatlo a kadsaaran.
Kunana a basar iti nakita da iti CCTV, bayat a bumabbaba ti saanen a nainaganan a baket ket saan na a natantya ti panangipaddakan na ti saka na wenno iti pangal ti agdan.
Naamoan a ti baket ket agtawen ti 76, residente iti Barangay Balacad ditoy ciudad ket agmaymaysa a napan iti merkado publiko.
