LAOAG CITY – Sumangpet intono alas dos wenno alas tres ita a malem ti bangkay ni Mrs. Fortuna Marcos-Barba, ti kabsat ni dati a Presidente Ferdinand Marcos ditoy Ilocos Norte.
Segun kadagiti asideg iti pamilya Barba, naibiyahe ti bagi ni Mrs. Barba itay bigat manipud Metro Manila.
Posible a maitabon ti bangkay ni Barba iti private cementery iti ili ti San Nicolas ken maiyabay iti tanem ti asawa na a ni Colonel Marcelino Barba.
Maipalagip a pimmusay ni Mrs. Barba iti tawen na nga 87 gapu ti sakit a pneumonia idi Marso 3, 2018.
Ni Mrs. Barba ti nabatbati a kabsat ni dati a Presidente Ferdinand Marcos.
