LAOAG CITY – Awan ti makita a foul play dagiti kameng ti PNP-Dingras iti pannakatay ti maysa a lakay iti Brgy. Suyo iti ili ti Dingras.
Daytoy ket kalpasan a narekobren a bangkay ti biktima a ni Hilario Lao y Fernando, agtawen ti 68, balo, maysa a mannalon ken residente iti nasao a barangay.
Segun kenni Police Chief Inspector Joseph Calderon, ti hepe ti PNP-Dingras, awan ti makita da a foul play iti insidente gapo ta adda ti sagsagabaen na a sakit a posible nga isu ti rason ti nakatayan na.
Inbatad ni Calderon a nadiskubre ti ikit ti biktima a ni Vicitasion Fernando, agtawen ti 81, residente met laeng ti nasao a barangay a nakatugaw ni Lao iti batog ti tawa ti sarusar ngem natumba rason nga adda ti ulo na iti datar.
Naamoan nga awan pay ti desisyon ti pamilya ni Lao no dumalan ti bangkay iti eksaminasyon tapno mapaneknekan nga adda ti foul play wenno awan iti pasamak.
