LAOAG CITY – Ngimmato ti utang wenno liabilities da Vice President Sara Duterte ken ti asawa na a ni Atty. Manases Carpio iti P9.95 milyon idi 2024 manipod iti P3.75 milyon idi 2022, maibasar iti Statement of Assets, Liabilities, and Net Worth (SALN).
Insumitir ti Office of the Ombudsman dagiti Statement of Assets, Liabilities, and Net Worth ti bise presidente manipod 2022 agingga iti 2024 iti House committee on justice kas panangsurot iti subpoena para iti agtultuloy a panagdengngeg iti reklamo nga impeachment kontra ken ni Duterte.
Ti liabilities idi 2024 nga agbalor ti P9.95 milyon ket naestablisar kas pagsungsungbatan ti asawa na.
Nakita pay iti 2024 Statement of Assets, Liabilities, and Net Worth nga umabot iti P88.5 milyon ti net worth ti bise presidente no sadinno a P66.8 milyon ti mangbukbukel kadagiti sanikua, idinto nga umabot met iti P31.6 milyon ti balor dagiti personal a sanikua na.
Nangatngto ti net worth na idi 2024 ngem idi 2023 nga adda ti P77.5 milyon.
