LAOAG CITY – Awan ti makita a foul play dagiti kameng ti Philippine National Police iti pannakatay ti maysa nga indibidual iti paset ti Barangay 8, San Vicente ditoy ciudad ti Laoag.
Basar iti Philippine National Police, nagturong dagiti sumagmamano nga opisyal ti barangay iti maysa a balay nga adda iti sango ti Data Center College of the Philippines tapno mangikabil ti relief goods.
Nupay kasta, nakigtot laengen dagitoy idi nakita da ti lalaki a maysan a nalamiis a bangkay.
Naamoan a ti balay ket nabayagen a naabandonar ngem tallo a bolanen nga agnanaed ti lalaki iti daytoy.
Iti pannakaeksamen ti bangkay ti biktima ket naduktalan a pimmusay daytoy gapu iti acute respiratory failure wenno naatake.
