LAOAG CITY – Inlawlawag ni Barangay Chairman Jonathan Cagay iti Barangay 9 ditoy ciudad ti Laoag a napakaammuan met dagiti establishamento a maap-apektaran ita iti agdama a kontruksyon ti kalsada iti barangay da.
Datoy ket kalpasan nga adda ti dimmanon a reklamo ditoy Bombo Radyo Laoag nga awan ti pagdalanan dagiti customer nga agturong kadagiti establishamento.
Naamuan nga umabot iti lima nga establishamento ti maap-apektaran ti negosyo na gapu iti nasao nga aktibidad.
Segun ken ni Cagay, naki-uman isuna iti kontraktor ti proyekto ket ditoy nga inbatad ti kontraktor nga immuna nga inpakada da iti iti traffic division a seraan iti paset ti Primo Lazaro Street, gapu ta kalikagomda a mammaminsan a kalyen ti right and left lane.
Ngem basar iti obserbasyon ti Kapitan, iti laeng daya a paset ti kalsada ti nakalyan bayat nga iti bangir ket nagikabilanda kadagiti materyales.
Mainaig iti daytoy ket inbatad ni Cagay a kasarita da dagiti establishamento a maap-apektaran iti konstruksyon para iti naan-anay a panaka-awatda gapu ta daytoy ket proyekto ti gobierno.
Kabayatanna, ket mangnamnama ti Barangay Kapitan a mapaalisto ti kontruksyon.
