LAOAG CITY – Inpetteng ni Presidente Ferdinand Marcos Jr. a nasken a personal nga agatendar kadagiti sesyon iti Senado ni Sen. Ronald Bato Dela Rosa no kalikagumna a makabutos kadagiti napapateg a banag.
Inbatad ni Presidente Marcos a nasken a saan a palubosan a makabutos ti maysa a Senador nga addaan ti arrest warrant no saan daytoy a pisikal nga adda iti Senado.
Inlawlawagna a no nakasagana nga agturong iti Senado ni Dela Rosa tapno makabutos iti panagsukat ti liderato iti baet dagiti risgo ket rumbeng laeng a personal daytoy nga agatendar iti plenario.
Inpaganetget ti Presidente a nabayagen a tradision iti Senado a kasapulan nga adda iti plenario ti maysa a Senador tapno makabutos.
