LAOAG CITY – Plano ni Barangay Kapitan Jessie Cris Lagundino iti Barangay Pancian iti ili ti Pagudpud, a mangiwayat ti taripnong tapno maipaayan ti sangkabassit a tulong ti pamilya Calina.
Daytoy ket kalpasan a nauram ti pagtaengan da Mr. Bing Calina iti Sitio Banquero iti Barangay Pancian iti nadakamat nga ili.
Imbatad ni Lagundino a malidayan ti pamilya Calina gapu ta awan pulos ti naisalbar da a gamit rason no apay agkidkiddaw da ita ti tulong.
Ngem immun-una iti daytoy ket adda inpaayen ni Mayor Rafael Ralph Benemerito a tulong iti nasao a pamilya.
Mainaig iti daytoy ket agtultuloy pay laeng ti biang ti Bureau of Fire Protection ti namunganayan ti ngem ti kitkitaen da ket ti nabaybay-an a nakasaksak nga appliances.
Kabayatanna, maipalagip a ti uram ket napasamak idi Marso 6, 2024 iti oras ti 11:26 ti bigat ken naideklaara a fire out iti oras 1:26 ti malem no sadinno a nagtitinnulong dagiti kameng ti Bureau of Fire Protection iti ili ti Pagudpud, ili ti Adams, ken dagiti kameng ti Philippine National Police tapno masebseban ti uram.
