Barangay ordinance a mangipawil kadagiti agtawen ti 18 agpababa nga agmaneho ti motorsiko, bnigbig nga invalid iti konseho ditoy siudad

LAOAG CITY – Invalid iti Sannguniang Panlungsod ti Barangay Ordinance iti Brgy. 12 ditoy siudad ti Laoag.

Daytoy ket kabayatan ti panangtratar ti konseho babaen iti panangidaulo ti Committee on Laws a ni Sangguniang Panlungsod Atty. Jason Perera.

Ti nasao nga ordinansa ket ti Barangay Ordinance 2020-002 nu sadino a nakaipaloan a masapol a maipawil ti panagmaneho ti motorsiklo kadagiti agtawen ti 18 agpababa.

Kuna ni Perera a ti nasao nga ordinansa ket saan a panangsurot iti national law nu sadino a maipalubos ti panagiturong iti motorsiko dagiti menor de edad babaen iti sumagmamano a kwalipikasyon.