LAOAG CITY – Nakapasar manen ti barko ti Bureau of Fisheries and Aquatic Resources (BFAR) a BRP Datu Sanday ti baro nga harassment kadagiti walo a barko ti China bayat ti panangisayangkatda iti humanitarian mission manipud Hasa-Hasa Shoal agingga iti Escoda Shoal idi laeng kalman, Agosto 25.
Iti report ti National Task Force for the West Philippine Sea, ti People’s Liberation Army Navy (PLAN) ken sumagmamano a barko ti China Coast Guard (CCG) ti nanglapped ken nangbutbuteng iti BRP Datu Sanday babaen kadagiti delikado nga maniobra, pakairamanan ti panangdungpar, panagbusina na, ken panagusar ti water cannon a nagresulta iti pannakadadael ti makina ti barko.
Gapu iti daytoy, saanen a naituloy ti misionti Bureau of Fisgeries and Aquatic Resources a mangitulod kadagiti diesel, taraon, ken medikal a suplay para kadagiti mangngalap a Pilipino.
Iti laksid ti insidente, nagtalinaed a a natalged dagiti BFAR personnel.
Inpetteng pay ti task force nga awan kinagpaysuanan dagiti report a natinnag dagiti kameng ti Bureau of Fisheries and Aquatic Resources iti baybay ken inispal ida ti Chinese Coast Guard.
Kabayatanna, nagpannawagan manen ti gobierno ti Pilipinas nga isardengen ti China dagiti agresibo nga aramidda gapu ta makaitunda daytoy ti peggad iti rehiyon.
