LAOAG CITY – Natiliw ti maysa a lalaki iti ili a Solsona babaen iti naiwayat nga anti-illegal drug buy bust operation ti PNP ken PDEA Region 1 idi rabii.
Nabigbig daytoy iti nagan a Rosendo Pragata, agtawen iti 42, awanan asawa , awanan trabaho ken agindeg iti Bgy. Laureta iti nadakamat nga ili.
Natiliw ti suspek kalpasan nga akto a natiliwan a naglako iti maysa a sachet a naglaon iti shabu nga agbalor iti 500 a pisos iti maysa a pulis a nagpammarang a gumatang.
Naakumpiskar iti ikot na ti mark money a 500 pesos, 3 a babasit a sachet a naglaon iti maatap a shabu nga addaan iti street value a tallo ribo a pisos.
Ni Pragata ket kabarbaro a nabigbig a drug personality iti ili a Solsona.
Maisagsaganan ti kaso a maipila kontra kenkuana.
