LAOAG CITY – Nakoronaan ti Miss Universe Philippines 2026 ni Bea Millan-Windorski manipud iti La Union.
Stand-out ti La Union beauty queen kadagiti 50 a nakipaset kabayatan ti coronation night a naangay iti MOA Arena iti Siudad ti Pasay.
Nagbilib dagiti hurado iti sungbatna iti paset ti question and answer, no sadinno a ti saludsod ket maipapan kadagiti Pilipino a nadismaya kadaytoy, banag nga importante pay kadi nga irepresentarna ti pagilian kadagiti international competitions.
Kinunana a nagsubli daytoy iti pagilian gapu ta nakitana nga adu ti potensial a paglaingan dagiti Pilipino.
Malaksid iti daytoy, karaman kadagiti finalist isuda Apriel Smith ti Cebu City, Marian Arellano ti Tarlac, Bella Ysmael ti Taguig, Nicole Borromeo ti Cebu Province, Allyson Hetland ti Pampanga, ken Jenrose Javier ti Sultan Kudarat.
Ni Widorski ti ti mangsukat ken ni Ahtisa Manalo kas kandidato ti pagilian para iti maika-50 a Miss Universe a maangay idiay Puerto Rico.
