LAOAG CITY – Nagbalin a napintas ti umuna nga ay-ayam ti San Miguel Beermen iti PBA Season 49 Commissioners’s Cup.
Daytoy ket kalpasan nga inabakda ti Phoenix Fuel Masters iti iskor a 107-104 iti ay-ayam a naiyuswat iti Ninoy Aquino Stadium idiay Manila.
Bimmida iti panangabak ni Marcio Lassiter a nakagun-od ti 15 points, dua nga steals ken dua nga assists idinto nga addaan ti 18 points, tallo nga assists ken dua a rebounds ni CJ Perez ken addaan ti 14 points ken 10 rebounds ni Quincy Miller.
Nakaaramid da Andreas Cahilig ken Juami Tiongson iti umuna nga ay-ayamda iti Beermen nga addaan ti 12 points ni Cahilig ken 8 points met ti nairekord ni Tiongson.
Iti umuna a kuarter ket iggem ti Phoenix ti lamang agingga a nakamatan ti Beermen.
