LAOAG CITY – Pinalubosan manen ti Bureau of Fire Protection (BFP) ti pannakaproseso ti height ken age waiver applications a mangipaay ti gundaway dagiti saan nga immabot ti height requirements nga aplikante nga addan ti special practice tapno makastrek iti ahensia.
Mainaig iti daytoy, ti height waiver ket kasapulan saan a bumaba iti 1.52 meters wenno 4 feet 11 inches ti tayag dagiti lallaki nga aplikante ken 1.47 metro wenno 4 feet 9 inches para kadagiti babbai.
Mabalin nga ikonsiderar dagiti aplikante nga addan ti naidumduma a balligi kas ti honor graduates, honor graduates, consistent academic scholar, ken board wenno bar topnotchers.
Mabalin pay a makastrek dagiti adda special practice iti fire suppression, fire prevention, emergency medical services ken panangmanehar ti heavy equipment kas ti aerial ladder ken rescue tender. Mabalin pay a makastrek ti adda professional driver’s license-na nga addan ti restriction codes 2 ken 3.
Maikonsiderar pay dagiti aplikante nga addaan ti Technical Education and Skills Development Authority mechanic trade test certificate ken panagsanay iti pump operation, auto diesel engine, auto electrical troubleshooting ken dadduma pay a sanay a kasapulan iti uniformed service.
Malaksiditi daytoy, nadutokan pay ni Bureau of Fire Protection Chief Directorial Staff Chief Supt. Andrew Mendova dagiti regional director nga umawat ti height ken age waiver ken siguradoen a maipakaammo daytoy iti lugarda.
Kuna pay ti ahensia a ti 40-hour Basic Occupational Safety ken Health training a nangrugi idi Hulio 20 ket mangipaay ti naan-anay a laing dagiti bumbero a maamoan dagiti hazard ken mapapigsa pay ti emergency rescue operations-da kabayatan a protprotehiranda ti kinatalgedda.
Kabayatanna, iti lima nga panagsanay, masurwan dagiti indibidual no kasano a maamoan ti safety, health, ken environmental hazards, maiwayat ti umno a control measures, sumungbat iti workplace emergencies, ken makipagpaset iti emergency drills.
Dagiti nagatendar ket miembro manipud iti Special Rescue Force National Headquarters ken National Capitol Region.
