LAOAG CITY – Nabigbigen ti kinasiasinno ti biktima iti nakaam-ames a disgrasya a napasamak iti paset ti Piddig-Laoag road bisinidad iti Brgy. 6, Tonoton, Piddig, Ilocos Norte.
Segun ken ni P/C/Insp. Joeffrey Taccad Hepe ti Pulisya ti nasao nga ili, dua a kabagian ti biktima ti nangbigbig iti daytoy iti nagan a Amirodin Panaraag Domanday, agtawen ti 20 , maysa a muslim ken residente iti Bgy.1 ditoy ciudad ti Laoag.
Maipalagip nga agpalpalaod a direksiyon ti biktima uggor na ti kurongkurong idi ta adda iti kurbaan a paset ti nasao a kalsada idi ta maipagarup ng immagaw ti linya.
Kuna ni Taccad nga apagiso a sumungad ti maysa nga MB Van nga inturong ti agnagan iti Russel Agag y Lacar, agtawen ti 38, naasawaan ken residente iti Brgy. Pasaleng, Pagudpud, Ilocos Norte bayat nga agpadpadaya a direksiyon, rason a napasamak ti disgrasya.
Naitaray ti biktima iti Piddig District Hospital ngem naideklara a dead on arrival babaen ken ni Municipal Health Officer Dr. Chona Rabang.
Maipalagip a saan nga insigida a nabigbig ti biktima gapu ta awan ti insigida a nakalasin iti daytoy agingga a naipadanon kadagiti kabagian na nga adda ti biktima ti disgrasya iti ili ti Piddig nga awan iti makabigbig iti daytoy.
