LAOAG CITY – Inpakaammu ni P/Lt. Col. Jephree Taccad, ti chief of police ti Ilocos Norte Provincial Operation Management Unit nga umaboten iti nasurok 40 dagiti resellers ti paputok ditoy probinsya.
Basar iti insayangkatda a monitoring ken inspekyon, amin dagitoy ket addaan ti permit wenno lisensya.
Mainaig iti daytoy, umaboten iti 174 a boga ti nakumpiskar da a kaaduan kadagitoy ket manipud iti ili ti Pagudpud.
Iti agdama ket awan met pay ti namonitor da nga agilaklako kadagiti maipawil a paputok, kageddan ti panangballaag da kadagiti aglaklako online.
Kabayatanna, pinasingkedan pay ni P/Lt. Col. Taccad a bimmaba ti road crashed incident ditoy probinysa gapu ta basar iti kaudian a datus nakairekord ti Ilocos Norte Police Provincial Office ti 190 nga insidente nababbaba no idasig iti 309 a road crashed incident a napasamak idi napan a tawen 2023.
Kunana a kaadwan kadagitoy ket napasamak kadagiti national roads ken human error ti kangrunaan a rason ti pannakadisgrasya da.
No pay kasta, kunana a mabalin a manayunan pay ti nasao a bilang.
