LAOAG CITY – Inbatad ni Atty. Charito Malicad, Officer in Charge ti Business Permit and Licensing Office (BPLO) a ngimmato ti bilang dagiti bulontario nga agturong iti opisinada ditoy siudad ti Laoag tapno mangala ken mangiproseso ti business permit kalpasan ti operasionda nga ipaserra dagiti naglabsing ti pagannurotan.
Kunana a daytoy ti maysa kadagiti makita a napintas a nagbalin nga epekto iti pannakapaserra ti sumagmamano a pasdek negosio gapu iti saan a panagsurot kadagiti pagannurotan.
Gapu iti daytoy, inbatadna a ngimmato ti business tax ti siudad iti 27 million a pisos ken counting ti income ita a tawen no ikumparar iti January to June 2025 coverage.
Inpakaammona a ti projection ti City treasurer idi napalabas a tawen para iti 2026 collection ket addan ti 98 a porsiento no sadinno 4 million a pisos sakbay nga umabot iti 2026 projection.
Kunana a dakkel a paset ti negosio ti locally source revenue iti business collection iti siudad.
Kabayatanna, inlawlawagna a daytoy nga operasionda ket basar iti umno nga aramid kas ti panangimplementar iti linteg ken inpettengna a saan daytoy nga anti-poor no diket anti-illegality.
