LAOAG CITY – Dumanonen iti 193 a tattao ti pimmusay kalpasan ti napasamak a nalawa ken nakaro a panaglayos idiay Nepal.
Agtultuloy ti maisaysayangkat a panag-rescue dagiti otoridad kadagiti lugar a nalayos gapu iti sumagmamano nga aldaw a panagtudtudona.
Adda ti 31 a tattao ti naipadamag a mapukpukaw ken adu ti nasugatan.
Inbatad ni Ministry of Home Affairs spokesman Rishi Ram Tiwari nga ipangpangrunada ti panangisalakan kadagiti biktima a nai-stranded kadagiti nagduduma a kalsada.
