LAOAG CITY –Immaboten iti 76 ti nakumpirmaran a natay iti nauram a barko iti Coron, Palawan.
Daytoy ket kalpasan a marekober ti 41 pay a bangkay dagiti pasaheros ti MV June Aster.
Basar iti Philippine Coast Guard (PCG), daytoy ket malaksid pay kadagiti 35 nga immunan a nakumpirmaran a natay gapu iti insidente.
Inbatad met ni PCG Spokesperson Commodore Noemi Cayabyab nga ita nga aldaw, Setiembre 13, maiyakar dagiti bangkay a lugan ti BRP Cape Engaño.
Kabayatanna, agtalinaed met iti 43 ti nairekord a survivors.
Manipud iti 134 nga adda iti ticket manifest ti barko, 13 ti saan pay a nasarakan bayat a dua ti saan a nakalugan idi mapasamak ti insidente.
