LAOAG CITY – Umad-adu ti bilang dagiti negosio ditoy siudad ti Laoag a maysa daytoy kadagiti kangrunaan a rason iti panagdur-as ti pagsapulan ti siudad.
Segun ken ni Laoag City Mayor James Bryan Alcid, kadagupan iti intero a probinsia ti Ilocos Norte ket agarup 30 agingga 36 a porsiento ditoy ket manipud ditoy siudad.
Gapu iti daytoy, naitandudo ti siudad ti 26 a porsiento a panagdur-as iti revenue maidasig iti napalabas a tawen.
Mainaig iti daytoy, naiget ti panag-monitor ti Business Permit and Licensing Office kadagiti negosio iti panangiproseso kadagiti dokumento ken permit-da sakbay a naan-anay nga agoperar dagitoy.
Binalakadan ti Mayor dagiti negosiante nga iprosesoda nga umno ken dagiti dadduma pay a requirement tapno agtultuloy ti panagdur-as ti negosio ken revenue ti siudad.
