LAOAG CITY – Naartapan ti Bureau of Internal Revenue (BIR) ti target a koleksyon da iti umuna a dua a bolan ti 2026 nga umabot iti P530.055 bilyon.
Basar iti Bureau of Internal Revenue, naartapan na ti target na a P527.775 bilyon ti P2.280 bilyon wenno 100.43%, neto na ti tax refunds.
Nangatngato daytoy ti P15.307 bilyon no ikumpara iti P514.748 bilyon a nakolektar ti ahensya iti kapada a panawen idi 2025.
Katukad daytoy ti 2.97% a panagngato iti kada tawen, gapu iti napaigetan a tax collection ken enforcement efforts, karaman ti umad-ado nga agbaybayad ti buwis.
