LAOAG CITY – Inpakaammo ni Mrs. Marilou Sapungan, ti Revenue District Officer iti BIR ditoy probinsya a silulukat ti opisina da kadagiti agreklamo a saan a makaawat ti resibo manipud kadagiti nagduduma a pasdek negosyo.
Namunganay daytoy kalpasan nga adda ti dimmanon a report iti opisina da nga adda dagiti sumagmamano a pasdek negosyo a saan nga agit-ited ti resibo.
Inlawlawag ni Sapungan a masapol a mangala da ti official a resibo manipud iti BIR tapno dagiti aglako ti nasurok 100 a pisos ket adda ti maited da a resibo, dumawat man dagiti customers wenno saan.
Inpetteng na a saan a mabalin a papel laeng wenno dagiti magatagtang a resibo kadagiti bookstore ti maited kadagiti customers.
