LAOAG CITY – Naminsan manen a pinaneknekan ti Bombo Radyo Philippines ti kinalaingna iti broadcasting kalpasan a nakagun-od ti tallo a major awards ken dua nga special citations iti 47th Catholic Mass Media Awards (CMMA) a mangipakita iti panangitandudona iti kinapudno, responsible ken community-oriented journalism.
Napadayawan kas Best News Program ti Bombo Network News para iti maikadua a nagsaruno a tawen wenno ti back-to-back recognition para iti network’s flagship newscast.
Mainaig iti daytoy, dagiti dadduma pay a major winners manipud iti network pakairamanan ti Bombo Special Report a nangabak kas Best Business News ken Pinoy Memories of Star FM Iloilo a naiyawidna met ti Best Entertainment Program award.
Nakaawat pay ti Bombo Radyo Philippines ti special citations para iti Bombo Lifestyle kas Best Public Service Program ken Istoryang Pasada: Takbo of Star FM Manila kas Best Counseling Program.
Nakapatpateg daytoy a tawen iti 47th Catholic Mass Media Awards para iti Bombo Radyo Philippines gapu ta kualipikado amin dagiti siam a kategoria iti radio category a mangipaneknek ti naiget a panangitandudo ti network kadagiti damdamag, public affairs ken entertainment programming.
Dagiti dadduma pay a Bombo Radyo finalists ket pakairamanan ti:
• Bombo News and Views Morning Edition (Bombo Radyo Cebu) – Best News Program
• Bombohanay sa Udto (Bombo Radyo Cebu) – Best News Commentary Program
• Bombo Special Report (Bombo Radyo Philippines) and The Seven Last Words (Bombo Radyo Cauayan) – Best Educational Program
• It’s All for You in the Morning (Star FM Bacolod) – Best Entertainment Program
• Good Morning Philippines (Bombo Radyo Iloilo), Bombohanay Ed Ugto (Bombo Radyo Dagupan), ken It’s All for You in the Morning (Star FM Dagupan) – Best News Feature
• Sarming Ti Biag (Bombo Radyo Cauayan) – Best Drama Program
Nabuangay idi 1978 babaen iti pimmusay a ni Archbishop Jaime Cardinal Sin, ti Catholic Mass Media Awards ket mangbigbig kadagiti media institutions ken practitioners nga agus-usar iti komunikasion tapno maitandudo ti kinapudno, human dignity ken social responsibility a nainspirar kadagiti adal ti simbaan.
Isagut ti Bombo Radyo Philippines daytoy a pammigbig kadagiti amin a napudno a dumdumngeg ken agbuybuya iti intero a pagilian ken sangalubongan, a ti panagtalek ken suportada ket agtultuloy a makainspirar kadagiti 32 a fully digitalized stations iti intero a pagilian a mangidanon kadagiti mapagtalkan a damag ken impormasion, serbisio publiko ken programa a mangitandudo ken maisuro kadagiti komunidad.
Basta Radyo, BOMBO! Star FM — It’s All for You!
