LAOAG CITY – Ipalubos manen ti Business Permit and Licencing Office (BPLO) ti panaglako kadagiti talipapa iti nagduduma a barangay ditoy ciudad ti Laoag.
Daytoy ket gapu ta adda manen iti babaen ti alert level 3 ditoy probinsya.
Inbatad ni Mrs. Antonette Bareng, ti mangidadaulo iti BPLO, maobserbaran da a kaykayat dagiti residente ti mapan gumatang kadagiti talipapa iti asideg da.
Innayon na nga ado paylaeng dagiti agamak a mapan gumatang iti merkado publiko gapu iti panagngato manen ti kaso ti covid-19 ditoy ciudad ti Laoag.
Kuna na a daytoy met ti rason no apay nga inpalubos da manen ti panagoperar dagiti talipapa ditoy ciudad.
