LAOAG CITY – Napalalo ti ragsak ni Barangay Chairwoman Emely Salvador iti Barangay 7, Caunayan iti ciudad ti Batac gapu iti pannakagun-od da ti umuna a pwesto ti kas Best Community Based Vegetable Garden iti intero nga Ilocos Norte.
Inbaga na a gapu ta isuda ti nangabak ken nakagun-od ti umuna a pwesto ket makilaban da iti National Level.
Malaksid iti daytoy ket nakaawat pay ti barangay da ti 100 a ribo a pisos kas gunguna da.
Segun ken ni Salvador, ti naawat da a gunguna ket usaren da para iti maysa a proyekto a patien da nga ad-adda pay a makatulong iti barangay da.
Mamati pay ni Salvador a nakasagana a tumulong dagiti kabarangayan da kangrunaan na dagiti senior citizens para iti pannakaipatungpal ti napili da a proyekto a pangibanagan da ti naawat da a gunguna.
