LAOAG CITY – Linawlawagan ni Brgy. Chairman Eugene Casil iti Brgy. 21 Libtong iti ili ti Bacarra ti alegasyon kontra kenkuana ken iti barangay treasurer a naikkatan ti naited a food allowance kadagiti barangay tanod ken Barangay health workers.
Segun ken ni Casil, agpayso a naikkatan ti 320 a pisos ti food allowance dagiti tanod ken BHW.
Kuna na a daytoy ket kas sukat dagiti nagasto ti treasurer iti panagilakad na ti food allowance.
Nu pay kasta, inadmitir ni Casil a posible a saan a nailawlawag a nalaing ti treasurer ti nakaipanan ti kwarta isut gapu na a namunganay ti reklamo.
Kabayatanna, naglikudan ni Casil ti alegasyon nga adda ti masikog a BHW na a naikkan ti food allowance nu pay saan a napan nagduty kabayatan ti community quarantine.
Inbatad na a nu man adda ti masikog ket ti secretary na daytoy ken kanayun met nga agduty iti barangay.
Manamnama ti panagsasarita ti dagiti opisyal iti Brgy. 21- Libtong iti nasao nga ili ita nga aldaw seknan ti pannakalawalawag ti alegasyon kontra it kapitan ken ti treasurer.
