LAOAG CITY – Ballaigi a naiyuswat ditoy siudad ti Laoag City Youth Parliament.
Ditoy a napagsasaritaan dagiti wagas a panangisagana kadagiti agtutubo ken pannakadengngeg ti bosesda mainaig ti lokal a gobierno ken nation building gapu ta napateg ken dakkel ti akemda kas sumaruno a lideres iti nasao a siudad.
Karaman pay a napagsasaritaan ti akemda iti pananglapped ken panangipasardeng ti panagusar ti illegal a droga iti babaen kenni Secretary Oscar Valenzuela, Chairperson ti Dangerous Drugs Board.
Para met kenni Mayor James Bryan Alcid, ita pay laeng masapulen ti pannaka-develop dagiti agtutubo iti panangidaulo ken ti suporta ti gobierno siudad kadagiti nagduduma a programa para kadagitoy.
Immatendar pay ti aktibidad da Vice-Mayor Rey Carlos Fariñas, Councilor Jaybee Baquiran, Asec Gervy James Gumarit, Commissioner-at-Large ti National Youth Commission, Michael Christophe Agustin, SK Federated President, Harold Domingo, Local Youth Development Officer ken dagiti speakers a nangipaay ti expertise-da kadagiti nadumaduma a topiko.
