LAOAG CITY – Natay ti 2 nga indibidual iti napasamak a disgrasia iti paset ti Brgy. Caunayam iti ili ti Pagudpud.
Basar ken ni PLT. Joemar Hernandez, deputy officer iti Philippine National Police Pagudpud, a daytoy ket self-vehicular accident.
Segun kenkuana, addaan ti white nga innova a naglaon ti 9 nga indibidual idi kellaat a naidungpar iti kayo ti nasao a lugar.
Gapu iti napigsa a pannakaidungparna ket nagsagaba ti sugat dagiti sumagmamano a nakalugan ken 2 ti naideklarar a dead-on arrival ti ospital.
Iti agdama, nagkedked ti Deputy Officer a mangipaay ti naananay a detalye ket manamnama a ni P/Maj. Lester Dabbay ti mangipaay ti kompleto a detalye ti nasao nga insidente.
