(Update) LAOAG CITY – Inlawlawag ni Barangay Chairman Dereck Velasco iti Barangay Buyon iti ili ti Bacarra iti Bombo Radyo no apay a dinangran na ni Edward Bautista.
Segun kenni Velasco, nabayagen nga agipatpatulod ni Bautista ti mensahe a binabastos iti asawa na a ni Mrs. Jaja Velasco babaen ti messenger.
Inbatad na gapo iti daytoy ket saan na a nalapdan ti rikna na idi nakita ni Bautista iti paset ti IT Park iti ili ti San Nicolas isut gapo na a naaramid na ti pasamak.
Inpetteng na a saan na a dinanog ni Bautista no diket linipak na laeng.
Mainaig iti daytoy, kuna ni Velasco a nakasagana nga agsungbat iti anyaman a maipila a reklamo kontra kenkuana.
Innayon na a nakasagana met nga agreklamo nangruna ket adda pay laeng dagiti maipagarop a mensahe ti Bautista iti asawa na.
