LAOAG CITY – Pagdesisionan ti Senado ti insingasing a linteg a pannakaitantan ti November 2026 Barangay and Sangguniang Kabataan Elections (BSKE) ken ti panangnayon ti term of office ti barangay ken Sangguniang Kabataan officials manipud iti uppat nga agbalin a lima a tawen, basar ken ni Senate President Sherwin Gatchalian.
Kunana a ti gakat a Barangay and Sangguniang Kabataan Elections wenno BSKE-reset ken panagurnos ti termino dagiti opisial ket trateren ti Senado ita a lawas.
Mainaig iti daytoy, ti decision ket masapul nga aramiden sakbay malpas ti lawas gapuanan ta adda dagiti gakat a kasapulan pay a sumalan iti bicameral conference, committee ken ratipikaren ti dua a pagukoman ken publikasion.
Maysa kadagiti napintas nga ipaay ti panangitantan ti Barangay and Sangguniang Kabataan Elections (BSKE) ken panagurnos ti termino iti lima a tawen ket ti makainot iti panagikkat ti gastos iti maysa nga election cycle.
Inbatad ti Commission on Elections (Comelec) a nakagastos daytoyen ti P8 billion iti P19 billion a budget para iti nadakamat nga eleksion.
Segun ken ni Commission on Elections (Comelec) chairperson George Erwin Garcia a saanen a mausar dagiti sumagmamano nga election supply kas ti indelible ink no maitantan ti eleksion.
Nupay kasta, kuna ni Gatchalian nga maysa a disadvantage ti panangpaut ti termino iti lima a tawen ket ti panaguray ti naatatiddog nga electorate sakbay masukatan ti maysa nga awan serbi wenno absinero a kapitan ti barangay.
Naamoan maadaan ti break ti Senado inton Oktubre 8 wenno 9 isu a kasapulan a maaprubaran dagiti insingasing a linteg sakbay ti break.
Kabayatanna, inpila ni Senador Francis ‘Chiz’ Escudero ti Senate Bill No. 2387 a gagemna nga amyendaran ti Republic Act No. 12232 wenno ti “Act Setting the Term of Office of Barangay Officials and Members of the Sangguniang Kabataan, and for Other Purposes.”
Gagem daytoy nga urnosen ti termino ti barangay ken Sangguniang Kabataan officials manipud iti uppat nga agbalin a lima a tawen, imbes nga i-extend wenno itantan.
Maipalagip nga inila ni Senador Imee Marcos ti Senate Bill No. 2067 a gagemna nga iyakar ti eleksion manipud Nobiembre 2026 iti Oktubre 2027 gapu ta naikeddeng ti election date iti All Soul’s Day ita a tawen.
Idi Agosto, inaprubaran ti Senate panel ti gakat.
Nupay kasta, inbatad ti National Citizens’ Movement for Free Elections (NAMFREL) a ti Barangay and Sangguniang Kabataan Election ket rumbeng nga ituloy gapu iti fiscal strain, Middle East oil crisis ken travel costs.
Daytoy met ti panagkita iti Parish Pastoral Council for Responsible Voting (PPCRV) gapu ta agtultuloyen ti panagsagana iti Barangay and Sangguniang Kabataan Election.
